床蝨係咩樣?

香港最常見嘅床蝨類型又叫又稱木蝨 (Bedbugs)，而且出名難處理。

呢啲微細嘅啡色寄生昆蟲形狀似橢圓，專門以人類血液為食。

佢哋嘅外皮又厚又堅韌，即使用好大力擠壓，都唔一定能夠完全消滅佢哋。而市面上嘅一般殺蟲劑難以穿透呢啲厚韌嘅外皮，進入到佢哋嘅神經中樞，所以無法根治問題。

床蝨（木蝨）每次可以生200多粒卵，呢啲卵仲可以靜止存活1年先至孵化，只需要10個星期內就由幼蟲變成成蟲再繁殖，真係好快，好得人驚！

如果唔及時採取對付床蝨嘅措施，好快就會蔓延至每一個角落。

尋找床蝨雖然唔容易，但如果你知道去邊搵，就可以發現到以下嘅跡象：

1. 床單或枕套上出現血跡，係由於床蝨被壓碎形成。
2. 發現黑色嘅小點，呢啲係床蝨嘅排泄物，可以喺床單、床褥、牆壁、窗簾等地方搵到。
3. 搵到蟲卵同蟲殼（約1毫米），係床蝨由一個階段去下一個階段嘅時候脫落嘅。
4. 發現活體床蝨。
5. 床蝨有霉味。

床蝨最常見嘅隱藏於：

搵床蝨先搵佢哋最鐘意嘅地方，就係床架同梳化，係哩兩個地方好大機會有所發現。

壞消息係床蝨好易傳播亦難以控制，而且防治措施都唔容易，因此往往容易產生大量增長嘅後果。所以每當發現床蝨，就要即刻進行治理。

床蝨冇單一嘅巢穴，可以滋生喺床褥、床架、衣物、窗簾、牆壁、牆腳線、梳化等角落同埋隱藏處。必須逐一進行處理，先可以確保徹底消滅！

Prime-Living 建議大家：

1. 首先要拆除所有床單、枕套、床罩、窗簾、沙發套等物品，放喺大塑膠袋入面然後打結封起。
2. 清空衣櫃、床頭櫃同埋抽屜，進行檢查同處理。把衣物放喺乾淨嘅塑膠袋入面然後打結封起。
3. 除咗使用化學治理方法，都可以使用天然嘅方法，例如噴天然殺蟲劑喺床架、牆紙、牆腳線、窗簾軌道同埋衣櫃縫隙等隱蔽處同埋裂縫。

另外你可以

1. 使用熱水清洗衣物：床蝨唔能夠喺46度以上嘅環境存活，所以可以用洗衣機或者乾衣機將衣物用60度以上嘅高溫清洗，確保有效殺滅衣物上嘅床蝨。
2. 使用專門滅蝨藥：針對木傢具，可以使用具有殘留效果（長期有效）嘅粉劑（例如硼酸酯），喺床架、牆腳線等隱蔽處同埋隙位上撒下，床蝨經過嘅時候會帶粉返巢穴，從而將藥效傳遞給其他床蝨。
3. 對床褥進行有針對性嘅處理：床蝨有3-5成係喺床褥度繁殖。如果想立即處理床褥度嘅床蝨而又唔想丟棄床褥，可以使用全方位嘅床套，將床褥完全包覆起嚟，從而殺死床褥度嘅床蝨同阻隔床蝨入侵同繁殖。
4. 丟棄雜物：為咗減少床蝨可以藏身嘅地方，有需要就要丟棄部份雜物。竹製品同埋籐製品（例如竹蓆同埋籐椅）係最高風險嘅，如果有，建議必須丟棄。